Ngenteni tumekane tanggal enom,

Thenguk-thenguk, dheleg-dheleg

Linggih dhewe ing kursi ngarep omah

Ngalamun ing sakngisore udan grimis,

Weteng wis sambat luwe

Pengen mangan sate, dhuwit ora nduwe

Mung ana sega sambel trasi ing meja mburi

Cukup, wis ana lawuhe tempe

“Pakne ayo ndang mangan,

Magrib-magrib aja ngalamun ing ngarep lawang

Mundhak rejekine ora sida teka!”

Suwara bojo wis ngilangke gambar sate

Saikine mung ana tempe sing ngawe-awe,

Kuwi kudu wis disyukuri

Bojo kang ayu isih ning kene

Sanajan ora kuwat nukokake sate,

Biyung, rekasane dadi pegawe

Ora nduwe pegaweyan dhewe

Bisane mung ngetung dina, ngetung jam

Ngarep-arep supayane dina-dina cepet diliwati

Ngenteni tumekane tanggal enom

“Mbokne saiki ditrimakake ngene ya

Limang ndina engkas mesthi bakal tak tukokake sate,

Saiki udane wis teka,

Kudune sedhela engkas rejekine sing teka,”

Yoni ahmad – 28 November 2010

Selengkapnya...

KANGGO SING RUMANGSA

Dening Yoni Ahmad

Semarang, 13 Desember 2006


Ana wong sing sok-sok kuwasa

Mrentah-mrentah kaya wong gedhe

Nesu-nesu sak karepe




Karo wong sing ora nduwe

Ngepek barang kaya-kaya dhuwekke dhewe


Mangka ngerti wae ora



Sok-sok ngatur liyane

Kabeh sing ning ngarep mripate

Perkara kudu bubar ora suwe

Thenguk-thenguk ing tengah awe

Ning ngarepe sing cilik sok kuwasa

Sok rekasa ning ngarepe sing gedhe

Mloya-mlayu mrona-mrene

Ora ngerti apa ubekke

Sing penting katon seje

Nek pas ora ana sok sulaya

Tumindhak miturut udele

Nistha-nistha nganti semene

Kapan padha sadare. Selengkapnya...

AJI TRESNAMU

Semarang, 17 Desember 2006


Ati seneng ora ketulung

Bisa linggahan ing mriki

Jejeran karo sedherek ayu





Netrane tansah suminar


Nyumirati ati kang petheng


Duh wong manis…



Atiku wis kebacut tresna

Aku ora bisa nangkis

Aji tresna pangasihmu



Mung esemu

Bisa agawe lemesing awakku

Solahmu sing ngremenake

Gawe ati iki trenyuh

Ati iki mili nututi sukmamu

Sliramu sing tansah mlayu,

Aku wong lanang sing ringkih

Katut marang suwara saking ragamu

Bakal tak ubeg jagad ndonya

Bareng sliramu kang saguh ngancani

Ukara tresna wis ora bisa makili

Rasa sing ana ning jero iki

Mung kanggo sliramu

Duh cah ayu

Sing wis nyolong atiku Selengkapnya...

Ikhlas Pasa

 Dening Yoni Ahmad

Direwangi weteng ngelih
Direwangi ora mangan sak awan
Direwangi tangi gasik
Direwangi awak lemes sedina
Nanging…
Ora bisa ngempet nepsune
Ora bisa ngempet nesune
Ora bisa ora nggremeni liyan
Ora bisa ikhlas ngelakoni ibadah



Pasa iku dudu alesan ora mergawe
Pasa iku dudu alesan supaya turu wae
Pasa iku dudu ibadah kapeksan
Pasa iku dudu nggo pantes-pantesan
Nanging…


Kudu bisa ngresikake ati
Kudu bisa nyingkirake rerungsuh
Kudu kanthi niyat kang ikhlas
Kudu tetep ngelakoni ibadah liyan



Tiwas…
Direwangi weteng ngelih
Direwangi ora mangan sak awan
Direwangi tangi gasik
Direwangi awak lemes sedina
Nanging…
Ora ana hasile
Ora ana paedahe
Ora ana hikmahe
Ora ana gunane Selengkapnya...

JAWA TRESNAKU

Dening : Yoni Ahmad

Jawa...
Wis tak goleki awakmu saben sakparak-parak
Kawit jaman majapahit nganti jaman sarwa pahit
Tak wolak-walik apa sing ana neng kiwa tengen
Ora bisa nemu kahanan awakmu,
saya kowe tak goleki sansaya awakmu ngilang
tenan lan estu aku pengen bisa cerak karo awakmu
nanging kenging menapa awakmu tega ninggal aku,
aku kang tansah nunggu tekamu,
kang kelara-lara niba tangi golek kahananmu


ora...
aku ora pengen kilangan awakmu,
aja...
aku njaluk kowe aja lunga
aku bakal ngelakoni apa wae supaya kowe ora ninggal aku
aku bakal dadi sing kaluwih apuk
supaya bisa ngrumati awakmu
supaya bisa njaga awakmu,
aku pengen kowe bisa balik kaya biyen
nalika jenemu kasebar ana ing jagad,
lan sesandingan kanthi tentrem raharja,
jawa, saestu aku tresna marang awakmu Selengkapnya...

SAPU

Dening Yoni Ahmad

Delengana kae sapu !
Sapu kae rusuh, lan kerep ketemu rerungsuhan
Awu, lemah, sawang, sampah, nganti lencung
Wis dadi dolanane sedina-dina
Apa dadine yen tanpa sapu?
Nanging apa ana pahargyan kanggo sapu?
Ora..


Ora bakal,
sejatine rasa kang tulus iku ora bakal njaluk apa-apa Selengkapnya...

PANJALUKE IBU

Dening : Yoni Ahmad

Le, anakku sing paling bagus
Aja nangis, aja..!
Dudu salahmu nek kowe saiki ora bisa mangan
Dudu salahmu nek kowe saiki ora bisa nyandang
Dudu salahmu nek kowe saiki ora kaya wong liya,
ibumu iki wis ngupaya,
supayane kowe dadi wong
ibumu iki wis kapontang-panting ngalor ngidul
niba tangi golek kahuripan kanggo kulawarga
nanging balung tuwa iki ya ana watese
jangkahe sikil iki mung cekak ukurane,


salahke wae ibumu iki Le !
salahke wae ibumu sing ora bisa
nguripi awakmu kaya dene wong liya
ora bisa menehi apa sing dadi panjalukmu,
salahke wae ibumu iki,
salahke !
nanging, aku mung njaluk siji saka kowe Le,
dadiya wong Selengkapnya...

AS... (U) TAGFIRULLAHALADZIM

Dening : Yoni Ahmad

Sawetara saiki aku wis ora bisa mikir
ora saguh aku ngonangi bab kaya iki
wong-wong wis ning ndonya wis padha kenthir
bok menawa aku uga aneng njerone
coba kok pikir !
apa yaa ana manungsa saiki sing ora edan dhuwit
pancen sing paling kuwasa ning ndonya iki dhuwit
nanging mbok yaa tansah mikir kahanane liyan...
sepet mripat iki ndelengi bab kaya iki
kuping iki gatel keprungu kabar,
tangise wong-wong kere ora kumanan pangan
pangedhe-pangedhe oyok-oyokan artha lan tahta
rasane ati iki pengen misuh
As......

tagfirullah, ora kuat tutuk iki ngomongke
nganti maling wae akeh banget jinis lan wujude
nek dikaji nganggo metodologi penelitian
semana uga tingkatane wong-wong kere
ora luwih sithik tinimbang wong-wong gedhe,
saiki mbalik mara jama perang
nek biyen perange kanggo krajan lan nagari,
saiki perange kanggo weteng
weteng sing akeh cacinge dawa-dawa
As...
Su,
edan tenan,
pancen kahanan nggawe manungsa padha edan
saya maju jamane ora sansaya enak uripe
malah sansaya dadi sarwa angel,
aku wus ora bisa mikir
ati iki kasringan krungu kabar-kabar panas
weteng iki wus kedarung luwe
uteg iki wiskeblanjur butheg
ati panas rasane pengen misuh,
As.....
tagfirullahaladzim,
duh Gusti paringana aku sabar

Selengkapnya...

RAHWANA UCUL

Dening : Yoni Ahmad

Heee….

Rakyatku…, kaumku…

Sujuda! Nyembaha dhateng rajamu, pemimpinmu

Aku sing kuwasa ning kene

Aku sing nyekel urip matimu

Sira mbantah, sira nglawan, sira mbangkang

Bakal tak tundung mati saga jagad

Hayoo…

Nuruta aku, tentremke atiku

Paringana aku pangan, paringana aku dalan

Senengke atiku, senengke nepsuku

Paringana apa kabeh kang dadi dhuwekmu

Ben aku kang ngatur sekabehane,

Ha ha ha….

Aja padha gemuyu !

Mung aku sing entuk ngguyu

Nangisa! Ngrengeka! Sengsaraa!

Ben aku bisa ngguyu

Ha ha ha….

Pancen aku raja kang wicaksana

Kuwasaku ora winates

Sujuda! Nangisa! Nyembaha dhateng rajamu,

Ben aku bisa ngguyu

Ha ha ha….

Selengkapnya...

AKU PENGEN MULIH

Dening : Yoni Ahmad

Apa yaa nek saumpama mripat iki merem wengi iki
Nggawa aku nglang-langi ngalam impi
Bakal ana sing nangekake aku ing esuk mangke
Wus suwe ora dak rungu ana suwara-suwara ngundang aku
Supaya age-age endang tumandang sholat subuh
Ngelingake yen saikine aku wis diwasa
Wis wayahe kudu bisa tangi dhewe


Nanging suwara kuwi isih keprungu jelas,
“Cung, ayo tangi! Wis wayahe nglakoni kewajibane
Ayo ndang njenggelek njupuk banyu wudlu,
Banjur sawuse kuwi nganjutke pakarnyan!”
Sanajan kahanan saiki ing kene ora kaya kuwi maneh
Amarga aku urip adoh saka omah lan kluwarga
Aku tansah krungu suwara-suwara mau sanajan mung alon
Suwara gemuyune adhik-adhikku cilik padha dedolanan
Kaya-kaya njewer kupingku nganti krasa panas
“Mas, nek bali maneh mangke aku nitip
Saperangan buku lan bulpen kanggo aku sinahu!”
Ah, rasane ati iki ora karuhan anane

Aku pengen krungu suwara nangekake aku subuh
Aku pengen krungu suwara gemuyu adhik-adhiku
Saikine krasa aku pengen nangis, aku kangen
Aku pengen bali
Aku pengen mulih Selengkapnya...

BANYU GENI

Dening : Yoni Ahmad

Suwaramu kaya dene laras sinenkuyung dening gamelan
Netramu ngalahi beninge banyu murni
Tumindakmu ora ngalahi tirta kahuripan
Ibarate banyu udan,

Awakmu nguripi saperangan tetanduran
Luwese awakmu nalika gambyong
Kaya gegodhongan ing ngarep taman
Kang nari kapiyak sumribite bayu
Kaya wangine melathi nalika mekar

Awakmu paring sengsem kaliyan liyan
Sanajan aku kaku kaya dene watu
Lindes saperangan sing diliwati
Namung bisa gawe cilaka
Pamanggihku atos ngungkuli waja
Ora tedhas digada, ora tedas dipilara

Atiku panas kaya geni trengginas
Mangan apa wae tanpa tilas,
Banyu lan geni ora bisa nyawiji Selengkapnya...

BANYU GENI

Dening : Yoni Ahmad

Suwaramu kaya dene laras sinenkuyung dening gamelan
Netramu ngalahi beninge banyu murni
Tumindakmu ora ngalahi tirta kahuripan
Ibarate banyu udan,

Awakmu nguripi saperangan tetanduran
Luwese awakmu nalika gambyong
Kaya gegodhongan ing ngarep taman
Kang nari kapiyak sumribite bayu
Kaya wangine melathi nalika mekar


Awakmu paring sengsem kaliyan liyan
Sanajan aku kaku kaya dene watu
Lindes saperangan sing diliwati
Namung bisa gawe cilaka
Pamanggihku atos ngungkuli waja
Ora tedhas digada, ora tedas dipilara

Atiku panas kaya geni trengginas
Mangan apa wae tanpa tilas,
Banyu lan geni ora bisa nyawiji Selengkapnya...

Geguritan Tahun 40-an Lanjutan

GEGAMBARAN
Dening : Subagjo Ilham N.

Cahya padma manguwung ing jumantra

Tandha ring arsa ginanti hyang ratri

Sajak owel surya ninggal arcapada

Kasengsem mawas kaendahaning bumi

Tan beda ian angganing kelana mudha

Kang arsa pepisahan ian kekasihe

Rumangsa kewran arsa malujeng kata

Kepencut nyawang memaniking netrane

Mula nora gampang ninggal kasenengan

Kang baud maweh kemaremaning driya

Karasa abot sumedhot ing gagasan

Nggrantes nandhes sumendhal terns ing nala

Mula begja wong kang baud amikani

Marang owah gingsiring kaanan donya

Sadurunge wus padha den – mengerteni

Yen tan barang langgng lan lana

(april merdika, no. 4, i, 1 januari 1946)

PEPAESING JALMA

Dening: s. Wisnukuncaya

Pra titan keh salah tampi

Ngira yen pepaesing janmi

Mung mutiara kang sarwiyadi

Myang busana endah keksi

Malah ing jaman samangkya

Manunggsa, kasmaran ngudi

Tambah kathaing paagadi-raga

Numpuk donya-brana-rukmi

Ngilmu-nyata kang kaeksi

Inguber kinekep-kekep

Ngelmi-batin panglaras budi

Sinepak tan keras nyecep

Keh jalma wasis mumpuni

lepas ngelmi-lahir sami

Nging tan eling mring wajibnva

Sung harja tentrem sesami

Dadiya katiplak angkara

Nyembah ngabdi iblis nepsu

Mung pecus cecetik latu

Maharani yudeng donya

Jatine jalmo utami

Warga bangsa mulaya tuhu

Tan kenging tinggal lelaku

Ngudi sampurnaning budi

Supados suk sagung janmi lahir batin

kang kuciwa jalma ngeti ing jalminya sung kerta raharjeng bumi

(penyebar semangat, no. 41, xvil 17 december 1947)

WAYANGAN

Dening : R. Intoyo

Banyu telaga akinclong-kinclong

Kataman cahyaning Hyang Baskara

Jroning banyu katon mencorong

Wewayanganing surya ing akasa.

Grumbul miwah kekavon aroyom

Muwuhi asrining wewayangan

Sliwering manuk kang golek ijon

Kumelap angrengga pesawangan.

Nanging sawuse surup srengenge

Gambar ing telaga ilang musna

Kasaput sepi-samuning wengi.

Kaya mangkono ing sanyatane

Padhang-pelenge atining manungsa

Gumantung marang karsane hyang widi.

(kejawen, no. 88, 4 nopember 1941)

Tepa palupi

Kupu kekejar neng antariksa

Mbabar keendahaning elare

Ciptane mangsa anaa madha

Nandhingi ing bab kasantosane

Kasaru tekane si branjangan

Sigra nyamber kupu kemalungkung

Anggite tan ana bisa nglawan

Cukat, trampil kaya nogone nladung

Sumbare kukila kang deksura

“sapa baya kang wani prang tandhing.”

Nora ngerti yen ngisor ana janma

Ribut riwut nggoe masang jaring

Dahat suka kaki jaru pikat

Dupi mulat jarine ngenani

Batine: “eh branjangan keparat,

Aja sira nglawan marang mami.”

Juru pikat ngungulake dhadha

Kurang weweka tiba kesandung

Samengko lagi rumangsa papan

Tangane tugel sikile putung

Sambat melas asih juru ngala

” ah, banget kumalungkung aku iki

Yektine manungsa titah ina,

Sing kuwasa mung gusti pribadi.”

(panji pustaka, no. 17, xxii, i september 1946)

Swara gaib

Dening : sr. Sumatra

Nuju sawijining wengi petenge ndhedhet kepati angin sumilir ndayani nyenyete pagan kang sepi

Pikiran nglambrang ngelangut lir surya katawang pedhut slira tanata kang tinut

Kadi sajroning sumaput

Mikir pepesthening dhiri rasa koncatan pambudi nenga sepa nungkul sepi

Lir uwuh kentir ing kali.

Urip mung^, kakean taun parnbudi ambyar ngalarnun

Kramean karasa samun

Lair ngguyu : batin nuwun

Kadya paran wusanane

Yen manggung tansah mangkene j

Jagad tanata gunane

Kaendahan kanggep sepele.

Lintang-lintang dirgantara

Kumelap abyor warata b

Baya iku nulunga luware papa cintraka.

Dhuh angin ingkang sumribit tumempuh saguning uwit sambatku sundhul nglangit

baya watakmu nyenyengit

Pagene tan sung pitutur

Ring titah kang nuju kuwur

Nnityasa kojur kajujur

Nyawane yun karya tawur

Lah tanem tuwuh sakalir

Godhongmu ngrambah kumitir mak sar atiku kuwatir

Kira malaekat yun nguntir

Nyendhal mayang raring nyawaku pinundhut marang dewaku

Iho iki ana keprungu

Swara, gaib jroning kalbu.

Tetep tajawuh ian icukuh kuwat cobaning pakewuh ing tembe bakal tumuwuh katekan sagung ginayuh

( kejawen. No. 23, 21 maret 1941)

http://nurulhilal.wordpress.com/category/geguritan-40-an/

Selengkapnya...

Geguritan Tahun 1940

LURUNG
(Mokh. Nursyahid)

Wiwit biyen nganti saiki

Lung iki ngrance crita maneka warna Critane andon lelana ngumbara kelunta-lunta Lelakone seniman nibs tangi ngoyak. crita Tangise wong papa luwe sesambat luru upa Ah, gawe ati nggrentes Ian nalangsa

Wiwit biyen nganti saiki

Lurung iki panggah cengkor kaya ngene

Kaya cengkoring pe-sawahan ngelak udan kiriman Kava cengkoring ati koncatan sih katresnan

Iki kenyatan

Dudu apus-apusan

Tipak tipaking sikil kang nate ngambah lurung iki Ninggal sunggingan-sunggingan ngadhengake ati Nggoritake gars-gars ruwet ngaialiake ilmu pasti Ora saber wong bisa nyurasa tang mangeni

Kejaba pangeran kang murbeng dumadi

(Jayabaya no. 5 XXIII.6)

KASAMPURNANING DHIRI

Tiru-tiru adating pujangga
Yen arsa medhar isining nala.
Kanggo rerenggan isining taman
Tumrap ing tembung guritan

Tontonen isining jagat jembar

Kang sinengker Ian kang ginelar.

Kang ana ing salumahing bumi

Lan kang tinemu ing jalanidi

Yen ginagas kanthi kang ning
Kabeh mau mung kanggo pepeling
Tumraping janma kang duwe ati
Bisa gawe gandrung mring Hyang Widi

Yen manungsa wis dha ngawikan

Marang kwasaring Robbul Izzati

Tartamtu tan padha ge!em kari

ngudi mring kasampurnaning dhiri

(Panji Pustaka, No 20-21, XXI)

GINAWE PRIBADI

Sajak wus suave nggonku ngulati Papan dununge ketentremaning jiwa Suprandene tansah caba tanpa dadi Sayekti bisa gawe judheging nala

Wus dak-upaya ing gedhong gedhe

Wus dak-ungkapi pethining donya brans Andekpuna tansah cabar tanpa gawe Kang dak-goleki datan kapanggya

Renyahing guyumu kekasiliku Gebyaring netrane kant, andudut ati Tan wasis aweh lipuning, kalbu Malah agawelating

Apa mannggon ing panganan kang dirasa

Utawa ana penganggo Kang gumebyar

Kliwat saking anggorihi kasengsaya

pangudiku ajeg tansah sabar

Dhuh para kang wasis wicaksana

Muga tuan karsa njarwani

Punapa leres ujaring para ulama

Bungah susah ginawe ginawe pribadi

Dening Subagijo ilham Notodigjojo

(Panji Pustaka, No. I7, XXII, 1 September 1940)

ILAT

Among sawelat

Ambaning Ilat

Prandene wasis murba misesa

Gawe begja cilakaning angga

Aywa kendhat

Ngreksa ilat

Njaga wetuning wicara saru

Kang njalari tatuning, kalbu

Obahing ilat

Darbe kasiat

Lamun nuju prana bisa mikat

Yen tan pener, agawe oreging ilat

(panji Pustaka 1940. No. 17, XXII)

Gelenging Tekad

Pedhut anggameng aneng pucuking arga

Nutup soroting surya ing wanci enjing

Mbudi daya kanthi sakehing tenaga.

Sang bagaskara ywa nganti aweh pepadhang

Ning sang Hyang weruh marang kuwajiban

Sigra nempuh barisaning pedhut gunung

Pepalangmg laku ginempur lawaran

Matemah ebun kandel tapir tinundung

Tan prabeda lawan telading bangsaku Kang ngugema marang kamardikan Tan mraduli cacah pepalanging laku Kabeh dinuwa caLah kanthi kawicaksanaan.

Golonging tekad ginelong dadi siji

Mbangu,n nagara kang mandhireng pribadhi

(Dening.- Subagyo I.N)

Saking: Kakawarti Panjebar Semangat No.20, tangal 12 juli 1949

KEKASIHKU…

Dening: Subagijo

Lagu lesu atmaku pindha tarn

Ngantu antu nunggu tekamu

Alum alum tumiyung malengkung

Kucem surem tanpa sunat mangguwung

Pradene…

Dinane wus manjalma minggu,

Minggune wus dumada candra…

Aku isih ajeg kanthi nunggu sliranmu

Pangarep-arep isih tetep lena

Manehe…

Wus dak gambar ing gagasan,

Wus dak tulis ing pangenthan-enthan… Sliramu teka sarwa nggawas asmita …

kawi bawaning nusa lan bangsa

Lan…

Sajrone aku cengklungen nganti anti

Nora lali dak sisihi santi pepuji

Ndhedel manduwur marak Hyang manon. Nyuwun supaya kita bisa sapatemon

Nadyan ta…

Wektune wus tansah lunga teka

Dinane wus ganti candra…

Lan candra musna, kongsi mangsane warsa jana, Sliramu meksa durung ana

Nanging pangarep- arepku nora bakal Sirna…

jer…

Ing telenging pangangen angen.

Banget anggonku kapang kangen Kepengin wu‘judmu sanyata

Dhuh kekasihku…

Kamardikaning bumi nusantara

Panji Pustaka, 15 Nopember 1944



http://nurulhilal.wordpress.com/ Selengkapnya...

Rahwana Kanggo Shinta

Semarang, 21 Juni 2009

Dening : Iam

Dewi Shinta..
Aku ora ngerti
Mung kuwi kang ana ing manahku
Nalika kumlebat wangi sliramu
Sumlesep ngebeki sirahku

Aku tresna sliramu
Ananging iki mung bisa kocap rikala arep turu
Amarga Rama wis nggandeng atimu

Aku arep dadi Rahwana
Tak culik saka Rama
Kabeh daya upaya



Tak wujudake kanggo tresnaku Selengkapnya...

Petruk Dadi Ratu

Semarang, 21 Juni 2009

Dening : Iam

Petruk dadi Ratu
Patihe Gareng
Bala tentarane Gatotkaca Anoman

Duh Gusti…
Ratu mangane kumlecap
Njagong petengkrengan
Mlaku pecicilan
Ngombe mendem-mendeman
Ora ngerti kang kudu dilakoni



Lakon Petruk dadi Ratu
Kayata Indonesia
Kang mimpin bingung
Padha mabok kakuwasan
Rayahan kursi kapimimpinan
Rayahan bandha donya
Rakyat kang nelangsa

SBY-JK jamane wes liwat
Embuh apa kang kerumat
Mung wong cilik tambah melarat


Mega teka jare gawa tamba
Bareng Prabowo kang iklane sak bajeg Nuswantara
JK-Wiranto arep gawe urip mulya, jarene
SBY-Boediono mung LANJUTKAN ora genah apa sing arep dilanjutake

Halah halah…
Jan Gusti
Petruk dadi Ratu
Lakone kadadeyan nang Indonesia Selengkapnya...

Rekasane Si Embok

Dening : Khrisna

wah jen temen rekasane si embok.
ing antarane urip lan pati
anggone nindakake kodrat dadi ibu.

getih kemucur tanpa kaukur
Sanajan kok sengsara kaya ngapa
Kok sangga kanthi lela legawa
Welasmu kaajab ora sia-sia
Pandongamu si jabang nyawa bisa miguna


leres sanget dawuhipun kanjeng nabi
nalika wonten ingkang mundhut pirsa
sak sampunipun Gusti Allah,
sinten tho ingkang paling utama ing dunya
kanjeng nabi paring dawuh nganti kaping tiga:
sing paling utama saindering jagad
ora liya ya mung ibumu.. Selengkapnya...

SIMBOK SIJABANG NYAWA

Dening Yoni Ahmad

Getih kemucur tanpa kaukur

Jerite rosa pating jlerit

Nanging awakmu kuwat tanpa sambat

Paring nyawa saka jerone garba

Kanthi welas lan asih

Kok rumat si jabang nyawa

Sanajan kok sekarat kaya ngapa

Awakmu tetep kuwat

Sanajan kok sengsara kaya ngapa

Kok sangga kanthi lela legawa

Welasmu kaajab ora sia-sia

Pandongamu si jabang nyawa bisa miguna

Welasmu ora ketung iwak segara

Ora bisa winales kanthi apa

Welasmu lela legawa

Tresnamu simbok si jabang nyawa

Selengkapnya...

LINTANG PESISIR

Dening Yoni Ahmad

Suminar ing sisih lor

Kelap-kelip ngendhahi suwasana

Sesarengan kelap-kelipe banyu segara

Lerap-lerap cemorong suminar lintang ing segara

Ombak-ombak cilik tumapak ing pasir

Sansaya wengi sansaya banter

Angina kang tumeka saka lor

Mendhung putih katon lumaku

Nyisiri lelintangan wengi

Nanging lintang tetep pancer

Ana ing titik papan panggonane

Ora owah mensthi naming sekedhik

Si lintang tetep pancer lan nyuminar

Lintang pesisir ora bisa minggir

Endhahe ora bakal sumingkir

Selengkapnya...

BALADA SITI

Dening Yoni Ahmad

Langit-langit,

Dak sawang rupamu wis ora biru

Ora dak temoni maneg rembulane

Ora dak temoni maneh mendhung putih

Mung ana gambar

Gambar Siti bocah wingi

Bocah manis saka kulon

Sing ketemu nalika semana

Ing langit sliramu katon elok

Tak coba ngranggeh tanganmu

Nanging tangan iki ora saguh

Sliramu ucul lan adoh nyumingkir

Sliramu ilang digondhol langit

Kanyata langit-langit kuwi,

Langit-langit kamar

Jebul kabeh mung ana ing lamun

Siti, bocah sing wingi

Ngarep mburi jenengmu tak dadi siji

Siti…

Selengkapnya...