![[◣_◢] Yoni Akhmad |](https://blogger.googleusercontent.com/img/b/R29vZ2xl/AVvXsEhC-fqyUX1A3ciIvzMrOS6-ojvpx_63uecl_2phJhuShJpulVPYlfnTG-df83YcxfjHDBZaazCmStHXQji2ydVnc3305GAzxg463UdHQ9ACuV8hRsMqOV-_-1QlvGicCPOTkUxqS6BAlpra/s1600/images+copy.png)
Dening Yoni Ahmad
Getih kemucur tanpa kaukur
Jerite rosa pating jlerit
Nanging awakmu kuwat tanpa sambat
Paring nyawa saka jerone garba
Kanthi welas lan asih
Kok rumat si jabang nyawa
Sanajan kok sekarat kaya ngapa
Awakmu tetep kuwat
Sanajan kok sengsara kaya ngapa
Kok sangga kanthi lela legawa
Welasmu kaajab ora sia-sia
Pandongamu si jabang nyawa bisa miguna
Welasmu ora ketung iwak segara
Ora bisa winales kanthi apa
Welasmu lela legawa
Tresnamu simbok si jabang nyawa
3 komentar:
wah jan tenan kae,
angel yo dadi simbok, wis rekasa nglairake si jabang bayi, nek si bocah wis gedhe trus wani marang simbok.
pancene bener ngendikane kanjeng nabi, sing paling utama ing saisine dunya iki, saliyane Gusti, ya mbok'e dhewe.
nuwun sewu mas, nyuwun pirsa. ing kaca tengen wonten "Pokoke jawa ana ing kene": Manusia Jawa koq mboten saget di bikak nggih??
matur suwun
wah jen temen rekasane si embok.
ing antarane urip lan pati
anggone nindakake kodrat dadi ibu.
getih kemucur tanpa kaukur
Sanajan kok sengsara kaya ngapa
Kok sangga kanthi lela legawa
Welasmu kaajab ora sia-sia
Pandongamu si jabang nyawa bisa miguna
leres sanget dawuhipun kanjeng nabi
nalika wonten ingkang mundhut pirsa
sak sampunipun Gusti Allah,
sinten tho ingkang paling utama ing dunya
kanjeng nabi paring dawuh nganti kaping tiga:
sing paling utama saindering jagad
ora liya ya mung ibumu..
nuwun sewu mas,
nyuwun pirsa, ing kaca tengen menika wonten
"Pokoke jawa ana ning kene": Manusia Jawa
koq mboten saget dibukak nggiih??
matur suwun
mungkin situsnya sedang diperbaiki kali ya...
Posting Komentar